Вести и настани кои наближуваат
ВО САБОТА ЌЕ СЕ ОДРЖИ 31.ОХРИДСКИ ПЛИВАЧКИ МАРАТОН
Датум: 18.08.17
Завршени се речиси сите подготовки за стартот на годинешниов 31.Охридски пливачки маратон, што ќе се одржи во сабота на 19 август на патеката „Климе Савин“ од Свети Наум до Охрид, во должина од 30 километри.Стартот на маратонот ќе биде во 12 часот во Свети Наум, а првите пливачи се очекува на градското пристаниште да пристигнат околу 17 часот и 30 минути- беше соопштено на денешната прес конференција.
-Главен организатор на маратонот, чиј покровител е претседателот Ѓорге Иванов, е Општина Охрид во соработка со Пливачката федерација, Агенцијата за спорт и млади и Сојузот на спортските федерации на Република Македонија.Ние како главни организатори сме горди што ги презедовме најголемиот дел од обврските и со ангажирање на сите наши ресурси ќе успееме да имаме уште едно успешно издание на Охридскиот пливачки маратон. На годинешниов маратон ќе има 22 учесници од кои 15 во машка и 7 во женска конкуренција,а доаѓаат од Аргентина, Франција, Бразил, Канада, Италија, Германија, Холандија, Хрватска, Русија и домаќинот Македонија. Охридскиот пливачки маратон, годинава е трета трка на Гран при серијата на Меѓународната пливачка федерација (ФИНА) и претставува една од најпрестижните и битно влијае на конечната светска листа на маратонското пливање. Со пиетет се потсетуваме на првата маратонска трка одржана во 1954 година и првиот Охридски пливачки маратон кој се одржал во 1962 година.Ние како генерација која сега се грижи за опстојувањето и реномето на оваа врвна светска спортска манифистеција,оддаваме должна почит кон сите учесници, победници, организатори и помагатели на досегашните маратони и оставаме аманет тоа да го прават и идните генерации- рече на прес конференцијата градоначалникот Никола Бакрачески. Претставникот на техничката делегација на ФИНА Саболч Фодор и претставникот на Пливачката федерација на Македонија Јане Карајованов изразија благодарност за огромната поддршка на Општина Охрид која е главен организатор на маратонот и надеж дека оваа светска пливачка манифестација ќе помине во најдобар ред. Македонскиот пливачки маратонец Евгениј Поп Ацев, посака поволни временски услови и најави дека е во одлична форма и очекува да се качи на победничкиот пиедестал на годинешниот Охридски пливачки маратон.
ВИКЕНДОВ ВО ОХРИД “БЕЛО ЛЕТО”
Датум: 07.07.17
Во рамки на Г2 Програмата за поттикнување на развојот на туризмот на општина Охрид за 2017, во делот на организација на манифестации и настани за туристичка промоција, секторот за туризам и ЛЕР,
традиционално ја организира манифестацијата “Бело лето” со кој симболично се означува почетокот на летната туристичка сезона во Охрид. Имајќи во предвид дека оваа манифестација вклучува повеќе активности од културно-уметнички карактер, официјалниот почеток на оваа летна туристичка сезона ќе биде означен на 7 Јули во предворјето на црквата “Света Софија” со прикажување на драмата “Коштана” во изведба на театарот Славија од Белград, Р.Србија. На 7 Јули како дел од манифестацијата “Бело лето” на плажата Лабино со овој перформанс ќе настапи и светски реномираниот џез музичар Владимир Василески-Четкар.
АТРАКТИВНО ПЕШАЧКО РЕКРЕАТИВНАТА ПАТЕКА ОД КАНАЛОТ СТУДЕНЧИШТА ДО ГОРИЦА – СВЕЧЕНО ПУШТЕНА ВО УПОТРЕБА
Датум: 16.06.17
Со пригодна свеченост и игра на децата од детската градинка “Jасна Ристеска” , е пуштена во употреба пешачко рекреативната патека од каналот Студенчишта до Горица. Не криејќи го своето задоволство од реализацијата на овој проект во обраќањето пред присутните, градоначалникот Никола Бакрачески истакна дека оваа патека , одамна била потреба и барање на граѓаните.
Знам дека секој од Вас го искусил задоволството од пешачење, трчање, спортување, рекреирање на оваа патека , сето она што оваа рекреативна зона го нуди за граѓаните и верувам дека исте го делиме моето чувство на задоволство. Природата на Охрид многу дала и бог не штедел кога давал тука и секако дал и разум оваа природа адекватно да ја искористиме и да можеме да уживаме во задоволствата кои ги овозможува..., истакна градоначалникот Никола Бакрачески. Патеката е долга 1390, а широка 12метри, со две патеки за велосипеди и ролери, а по средината е хортикултурно уредена и осветлена. По целата должина има и скејт парк и фитнес зона, а наскоро се очекува и изградба на ново детско игралиште. Вредноста на целиот проект изнесува 41.116.880денари, од кои 14.000.000денари се обезбедени преку ИПА програмата за прекугранична соработка со соседна Грција.
Календар на настани